Abo at Kalansay

Batongbuhay sa dalampasigan

Matigas kinakapitan ng mga talaba,

Hinahampas ng bagyo at sigwa;

Unti-unti naging buhangin na pla.

Isang alabok na pumailanlang

Naging bantayog, naging laman

Nag-aral, nagsikap, nagkaroon ng kinabukasan

Lupa rin ang tangin hantungan.

Tagsibol dahon ay sumusupling,

Lumalago't ngiging berde bago matuyo

Isa-isang nalalaglag ang mga dahon...

Pinapadpad ng hangin sa dako pa roon.

Matahimik... payapa and paligid

Hindi na marinig ang mga kuliglig

Papalayo nang mga yapak at yabag

Nakipaglibing lahat na'y bumalik.

Isang bulaklak sa tabi ng puntod

Nang matuyo, bango'y di na masamyo

Paruparong dati niyang kasuyo,

O tadhana, bakit ka naglaho.

Tao alipin o hari pa man

Bakit parehong lupa ang hantungan?

O kalansay, yabang mo'y nasaan;

Katawan mo't yama'y abo and kinauwian!

JOTS18